Aral Group tərəfindən inşa edilən Greenville Residence yaşayış kompleksində yerləşən Özümə Məxsus Bağçalı mənzili satıram (Sahibiyəm). Mənzil 1-ci mərtəbədə yerləşir və təxminən 30 m² sahəsi olan şəxsi açıq bağçaya malikdir. Bu sahədən yalnız siz istifadə edəcəksiniz və onu tam öz zövqünüzə uyğun təşkil edə bilərsiniz. İstəsəniz, burada masa, stullar, çətir və dekorativ bitkilər yerləşdirərək özünüz üçün rahat istirahət guşəsi yarada bilərsiniz. Ailəniz və dostlarınızla açıq havada vaxt keçirmək, səhər qəhvənizi şəxsi bağçanızda içmək və ya uşaqlar üçün təhlükəsiz oyun sahəsi yaratmaq mümkündür. Şəhərin mərkəzində yerləşən yaşayış kompleksində belə bir şəxsi açıq sahəyə sahib olmaq isə həqiqətən nadir və dəyərli üstünlükdür. Mənzilin sahəsi 79.38 m², tavan hündürlüyü isə 4.5–4.6 metr təşkil edir. Bu hündürlük sayəsində siz mənzili rahatlıqla dupleks formatında təmir edə bilərsiniz. Məsələn, ikinci mərtəbədə yataq otağı və ya uşaq otağı, birinci mərtəbədə isə geniş qonaq otağı, mətbəx və sanitar qovşağı təşkil edərək həm yaşayış sahəsindən maksimum səmərəli istifadə edə, həm də tam fərqli və müasir interyer yarada bilərsiniz. Diqqətinizə çatdırım ki, elan şəkillərində gördüyünüz mənzil mənim mənzilimlə eyni layihəyə malikdir, sadəcə həmin mənzildə arakəsmələr artıq tikilib. Mən isə mənzilimi arakəsməsiz şəkildə təhvil verirəm. Bu isə sizə otaqların sayını, ölçüsünü və ümumi planlaşmanı tam öz zövqünüzə və ehtiyaclarınıza uyğun şəkildə formalaşdırmaq imkanı yaradır. Bağça kompleksin qapalı və yaşıllıqla zəngin həyətinə baxır. Həyətə avtomobillərin girişi nəzərdə tutulmayıb, bu isə həm rahatlıq, həm də uşaqların təhlükəsizliyi baxımından böyük üstünlükdür. Kompleksdə rahat yaşayış üçün bütün zəruri infrastruktur nəzərdə tutulub: alış-veriş mərkəzi və mağazalar; idman zalı; restoran və kafelər; geniş park və yaşıllıq zonaları; uşaqlar üçün oyun meydançaları; futbol meydançası və istirahət sahələri. Binanın altında 2 mərtəbəli yeraltı avtomobil dayanacağı mövcuddur. Bundan əlavə, kompleks ərazisində kifayət qədər yerüstü dayanacaq yerləri də var. Kompleks qapalı tiplidir və əraziyə yalnız sakinlərin və onların qonaqlarının girişinə icazə veriləcək. Bina Artıq TAM TİKİLİB. Hazırda son tamamlama işləri aparılır və Yaxın Bir Neçə Həftə Ərzində mənzildə təmir işlərinə başlamaq mümkün olacaq. Qiyməti yalnız və yalnız real alıcı ilə yerində müzakirə edəcəm. Artıq dərəcədə xahiş edirəm telefonda qiyməti soruşmayın.